விபச்சாரத்தில் ஈடுபடுத்துவதற்காக கடத்தப்பட்ட 14 வயது சிறுமியை போலீசார் மீட்டு, இந்த வழக்கு தொடர்பாக 3 பேரை டெல்லியில் கைது செய்தனர் .பீகார் மாநிலத்தில் இருந்து விபச்சாரத்தில் ஈடுபடுத்துவதற்காக 14 வயது சிறுமி டெல்லிக்கு கடத்திக் கொண்டு வரப்பட்டு விபச்சாரத்தில் ஈடுபடுத்தப்பட்டதாக போலீசார் தெரிவித்தனர்.
ஒரு வீட்டில் 14 வயதுடைய சிறுமி அடைத்து வைக்கப்பட்டிருப்பது குறித்த ரகசிய தகவலின் அடிப்படையில், வடக்கு டெல்லியின் சதர் பஜாரில் உள்ள வீட்டில் போலீஸ் குழுவினர் திடீர் சோதனையில் ஈடுபட்டு, சிறுமியை மீட்டனர்.
பீகார் மாநிலம் அராரியா மாவட்டத்தில் உள்ள தனது வீட்டிலிருந்து ஐந்து மாதங்களுக்கு முன்பு இர்ஷாத் (30) என்ற நபரால் கடத்தப்பட்டதாகக் கூறப்படும் சிறுமி காவல்துறையிடம் இந்த தகவலைக் கூறியதாக காவல்துறை அதிகாரி ஒருவர் தெரிவித்தார்.
சிறுமியைக் கடத்தி வந்த இளைஞன் இர்ஷாத் ஆரம்பத்தில் வெவ்வேறு இடங்களில் சிறுமியை அடைத்து வைத்து, சமீபத்தில் சதர் பஜாரில் உள்ள ஹசிபுல் (45) மற்றும் அவனது மனைவி சனியாரி (36) ஆகியோரின் வீட்டிற்கு சிறுமியை மாற்றியுள்ளதாக போலீசார் தெரிவித்தனர்.
சதர் பஜார் காவல் நிலையத்தில் இந்திய தண்டனைச் சட்டம், போக்சோ சட்டம் மற்றும் ஒழுக்கக்கேடான போக்குவரத்து தடுப்புச் சட்டம் ஆகியவற்றின் தொடர்புடைய பிரிவுகளின் கீழ் குற்றம் சாட்டப்பட்ட மூவரும் கைது செய்யப்பட்டுள்ளதாக போலீஸார் தெரிவித்தனர்.
சிறுமி பெற்றோரை இழந்தவர் என்பதால், அவளை ஒரு காப்பகத்திற்கு அனுப்புவதற்கு முன்பு போலீசார் அவளை குழந்தைகள் நலக் குழுவின் முன் ஆஜர்படுத்தினர்
