மொத்தமே 15 வினாடிகள் தான். கண்ணிமைக்கும் நேரத்துல 22 மாடி கட்டிடமும் சுக்குநூறாய் பொலபொலவென சீட்டுக்கட்டுகள் சரிவதைப் போல சரிந்து தரைமட்டமானது. இந்த வீடியோ சமூக வலைத்தளங்களில் வெளியாகி வைரலாகி வருகிறது.
அமெரிக்காவில் உள்ள லூதியானா மாகாணத்தில் ஹெர்ட்ஸ் டவர் என்கிற 22 மாடி கட்டிடம் உள்ளது. இந்த கட்டிடம் சூறாவளியால் சேதமடைந்த நிலையில் கடந்த 4 வருடங்களாக பயனற்ற நிலையில், அந்த பகுதி வழியே செல்லும் பொதுமக்களை அச்சுறுத்தும் வகையிலும் இருந்து வந்தது.
இது குறித்து தொடர்ந்து புகார்கள் எழுந்து வந்த நிலையில், கட்டிடத்தை வெடி வைத்து தகர்க்க முடிவு செய்தனர். இந்நிலையில், நேற்று இந்த 22 மாடி கட்டிடத்திற்கு வெடி வைத்து தகர்க்கும் முயற்சியில் ஈடுபட்டனர்.
என்ன தான் பாழடைந்த கட்டிடம் என்றாலும், மொத்தமே 15 வினாடிகளுக்கும் குறைவான நேரத்தில் வானுயர்ந்து நிற்கிற கட்டிடம் தூள் தூளாய் இடிந்து தரைமட்டமானது மனதைப் பிசைந்தது.
அடுத்த சில நொடிகளில் அந்த கட்டிடம் இருந்த இடமே தெரியாமல் முற்றிலும் தரைமட்டமான நிலையில் அது தொடர்பான வீடியோ தற்போது சமூக வலைதளத்தில் வைரலாகி வருகிறது.
The 22-storey Hertz Tower in Louisiana was demolished in seconds, leaving behind a massive cloud of dust and rubble.#HertzTower #Dust #Demolision #Louisiana pic.twitter.com/FopVKIMCt1
— Arjun Jain (@arjjain) September 8, 2024
