கேரளாவில் பெண் வீடு புகுந்து பெட்ரோல் ஊற்றி எரித்து கொலை செய்யப்பட்ட சம்பவம் நடந்துள்ளது.
கேரள மாநிலம் கொல்லம் அருகே அளிகள் பொதுவாள் கிராமத்தைச் சேர்ந்தவர் சஜிமோல். இவருக்கு திருமணம் ஆகி கணவர் மற்றும் குழந்தை உள்ளனர்.
ஆனால் கருத்து வேறுபாடு காரணமாக தனது கணவரை பிரிந்த தனது பெற்றோருடன் வசித்து வருகிறார். முன்னதாக அவருக்கும் பலா பகுதியைச் சேர்ந்த சிபு என்பவருக்கும் பழக்கம் ஏற்பட்டுள்ளது.
இருவரும் திருமணம் செய்து கொள்ளாமல் ஒன்றாக லிவ்விங் ரிலேஷன்ஷிப்பில் இருந்து வந்துள்ளனர். இதற்கிடையே சிபு விசா முறைகேடு வழக்கில் கைது செய்யப்பட்டு பின்னர் ஜாமீனில் விடுவிக்கப்பட்டுள்ளார்.
இதையடுத்து சஜிமோல் சிபு வை பிரிந்து தனது பெற்றோர் வீட்டில் வசித்து வந்துள்ளார். இதுகுறித்து சிபுவுக்கு தெரியவந்துள்ளது.
இந்த நிலையில் சிபு நேற்று இரவு சஜிமோலை சந்திக்க சென்றுள்ளார். அப்போது ஷிபுவுக்கும் சஜி மோலுக்கும் இடையே வார்த்தை போல் ஏற்பட்டதாக கூறப்படுகிறது.
வாக்குவாதம் முற்றிய நிலையில் சிபு தன்னிடமிருந்த பெட்ரோலை எடுத்து சஜிமோல் மீது ஊற்றியுள்ளார். மேலும் தானும் பெட்ரோல் ஊத்திக் கொண்டுள்ளார்.
பின்னர் சிபு தீ வைத்துக் கொண்டு தற்கொலை செய்ய முயன்றுள்ளார் . இதில் சஜிமோல் படுகாயம் அடைந்து உயிருக்கு போராடினார்.
மேலும் சிபு தீக்காயம் அடைந்த நிலையில் சம்பவ இடத்திலேயே பரிதாபமாக உயிரிழந்தார். இதனைத் தொடர்ந்து அங்கு வந்த அக்கம்பக்கத்தினர், சஜிமலை மீட்டு உடனடியாக மருத்துவமனைக்கு அழைத்து சென்றுள்ளனர்.
அங்கு அவருக்கு தீவிர சிகிச்சை அளிக்கப்பட்டு வந்துள்ளது. எனினும் சஜிமோல் சிகிச்சை பலனின்றி பரிதாபமாக உயிரிழந்து உள்ளார்.
இதுகுறித்து ஓஜீரா போலீசார் வழக்கு பதிவு செய்து விசாரணை நடத்தினர். அப்போது சஜிமோல் மற்றும் சிபு ஆகியோர் 4 ஆண்டுகளாக லிவ் இன் ரிலேஷன்ஷிப்பில் வசித்து வந்துள்ளனர்.
பின்னர் விசா மோசடி வழக்கில் சிபு கைது செய்யப்பட்டதால் இருவரும் பிரிந்து தனியாக வசித்து வந்துள்ளனர். இந்த நிலையில் ஏற்பட்ட வாக்குவாதம், இரண்டு பேரின் உயிரையும் பறித்தது தெரிந்தது. இந்த சம்பவம் ஒட்டுமொத்த கேரளத்தையும் உலுக்கி உள்ளது.
