இங்கிலாந்தின் சாலைகளில் அந்த ஜோடி நடந்துசெல்லும்போது, அவர்களை திரும்பிப் பார்க்காதவர்கள் குறைவு. ஆம், அந்தப் பெண் 3 அடி 8 அங்குல உயரமே கொண்டவர். அவரது காதலரோ, 5 அடி 8 அங்குல உயரம் கொண்டவர்.
இங்கிலாந்திலுள்ள Gloucestershireஐச் சேர்ந்தவர் கெய்ட்லின் (Caitlin Hellyer, 23). 3 அடி 8 அங்குல உயரமே கொண்ட கெய்ட்லின், தன் காதலரான கய் (Guy Pritchard, 33)உடன் செல்லும்போது, தன்னை அவரது மகள் என மக்கள் நினைத்துவிடுகிறார்கள் என்று கவலை தெரிவிக்கிறார்.
எனக்கு 23 வயதாகிறது, நான் பருவம் எய்திய ஒரு பெண். ஆனால், மக்களில் சிலரோ என்னை அவருடைய தங்கை என நினைக்கிறார்கள் என்கிறார் அவர்.
கெய்ட்லினுக்கு Achondroplasia dwarfism என்னும் பிரச்சினை காரணமாக எலும்பு வளர்ச்சி பாதிக்கப்பட்டுவிட்டதால் அவரது உயரம் அதிகரிக்காமல்போய்விட்டது.
என்றாலும், கெய்ட்லினும் கய்யும் முதன்முதலில் சந்தித்தபோது, கண்டதும் காதல் ஏற்பட்டுவிட்டதாம் இருவருக்கும். தங்களைக் குறித்து மற்றவர்கள் என்ன சொன்னாலும் கவலை இல்லை என்று கூறும் இந்த அபூர்வ ஜோடி, எங்களுக்குள் உயரம் எல்லாம் ஒரு பிரச்சினையே இல்லை என்கிறது.
