சேலம் மாவட்டம் ஏற்காடு மலைப்பாதையில் கடந்த 20ம் தேதி சூட்கேசில் அழுகிய நிலையில் இளம்பெண் உடல் கிடந்தது. போலீசார் வழக்குப்பதிவு செய்து கொலை செய்யப்பட்ட பெண்ணின் அடையாளம் குறித்து விசாரணை நடத்தி வருகின்றனர்.
திருவாரூர் பரவக்கோட்டையைச் சேர்ந்த நடராஜன் (32) என்பவர் கோவையில் உள்ள ஒரு கடையில் சூட் வாங்கியது தெரியவந்தது. இதையடுத்து, போலீசார் அவரை கைது செய்து விசாரித்தபோது, பல்வேறு திடுக்கிடும் தகவல்கள் வெளியாகின.
இதுகுறித்து, நடராஜன் போலீசில் அளித்த வாக்குமூலம்: எனக்கு திருமணமாகி, பரவக்கோட்டையில் வசிக்கும் ராஜேஸ்வரி என்ற மனைவி மற்றும் இரண்டு மகள்கள் உள்ளனர்.
நடராஜன் பிரான்சில் இருந்தபோது, மேட்ரிமோனியில் விவரம் பதிவு செய்து, கத்தாரில் கம்ப்யூட்டர் நிறுவனத்தில் பணிபுரிந்து வரும் தேனியைச் சேர்ந்த சுபலட்சுமி என்பவரும், திருமணமாகி கணவரைப் பிரிந்ததாகக் கூறி மணமகனைப் பதிவு செய்தார். இருவரும் மேட்ரிமோனி ஆப் மூலம் அறிமுகமானார்கள்.
பின்னர் திருமணம் செய்து கொள்வதாக ஆசைவார்த்தை கூறியதை அடுத்து இருவரும் இந்தியா திரும்பினர். கணவருடன் தகராறு செய்து 2 குழந்தைகளையும் விட்டுவிட்டு சுபலட்சுமி தனது வீட்டுக்குச் சென்றார். பின்னர் அவர்கள் கோவை பீளமேட்டில் குடியேறி வாடகைக்கு வீடு எடுத்து நடராஜனுடன் குடும்பம் நடத்தி வந்தனர்.
கடந்த ஆண்டு இறுதியில், மனைவி மற்றும் குழந்தைகளை பார்க்க பரவக்கோட்டை சென்ற நடராஜன், சுபலட்சுமியுடன் கோவை திரும்பினார். அப்போது நடராஜனுக்கு ஏற்கனவே திருமணமானவர் என்பது சுபலட்சுமிக்கு தெரியவந்தது.
இதனால் இருவருக்கும் இடையே வாக்குவாதம் ஏற்பட்டுள்ளது. ஒரு கட்டத்தில் ஆத்திரமடைந்த நடராஜன் இரும்பு கம்பியால் சுபலட்சுமியின் தலையில் தாக்கினார். இதில், சுபலட்சுமி சம்பவ இடத்திலேயே உயிரிழந்தார்.
பின்னர் நடராஜன் தனது உறவினர் கனிவளவன் உதவியுடன் கோவையில் சூட்கேஸ் வாங்கி அதில் சுபலட்சுமியின் உடலை அடைத்து காரை வாடகைக்கு எடுத்து ஏற்காடுக்கு வந்து சூட்கேஸை வீசி சென்றது தெரியவந்தது.
இதையடுத்து போலீசார் நடராஜன் மற்றும் அவருக்கு உடந்தையாக இருந்த கனிவளவன் ஆகியோரை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.
