குகேஷூக்கு பாராட்டு விழா நடத்தியதும், பரிசுத்தொகை கொடுத்ததும் நல்ல விஷயம்.
இப்படி விளையாட்டு வீரர்களை உற்சாகப்படுத்துறது சந்தோஷமாக இருக்கு” என்று கண்கள் நனைக்க பேசுகிறார் காசிமாவின் தந்தை மெகபூப் பாஷா. அது சரி… யார் இந்த காஷிமா என்கிறீர்களா?
நம் மீடியாக்கள் காஷிமாவை அந்தளவில் தான் முக்கியத்துவம் கொடுத்து கொண்டாடின.
அமெரிக்காவில் நடைபெற்ற உலகக் கோப்பை கேரம் சாம்பியன்ஷிப் போட்டியில் தமிழகத்தைச் சேர்ந்த ஆட்டோ ஓட்டுநரின் மகள் காசிமா 3 தங்கப் பதக்கம் வென்று சாதனை படைத்துள்ளார்.
அவருடன் பங்கேற்ற கேரம் வீராங்கனைகள் நாக ஜோதி, மித்ரா ஆகியோரும் தங்கம் மற்றும் வெள்ளி வென்றனர்.
ஆனால், எளிய பின்னணியில் உள்ள கேரம் வீரர்களுக்கு தமிழக அரசு இதுவரை எந்த நிதியுதவியும் அறிவிக்கவில்லை என்ற சர்ச்சை எழுந்துள்ளது.
இது தொடர்பாக காசிமாவின் தந்தை மெகபூப் பாஷா மற்றும் தமிழ்நாடு கேரம் சங்க செயலாளர் மரிய உதயத் ஆகியோர் கூறுகையில்,“தமிழக அரசு பரிசுத் தொகையாக குகேஷுக்கு ரூ.5 கோடி வழங்கியது உண்மையிலேயே மகிழ்ச்சி அளிக்கிறது.
எங்களின் மனமார்ந்த வாழ்த்துக்கள். இதுபோன்ற வீரர்களை அரசு பாராட்டி ஊக்கப்படுத்துவது வரவேற்கத்தக்க விஷயம்.
அப்போதுதான் இன்னும் பல வீரர்கள் உருவாகுவார்கள். அதே சமயம், செஸ் வீரர்களுக்கு கொடுக்கப்படும் முக்கியத்துவத்தை, கேரம் வீரர்களுக்கும் அரசு கொடுத்திருக்க வேண்டும்.
தமிழகத்தைச் சேர்ந்த காசிமா, மித்ரா, நாகஜோதி, பயிற்சியாளர் மரிய உதயநிதியம் ஆகிய 3 வீரர்கள் கேரம் உலக சாம்பியன்ஷிப் போட்டிக்காக அமெரிக்கா சென்றனர்.
விளையாட்டுத்துறை அமைச்சர் உதயநிதி ஸ்டாலின் அவர்களுக்கு ஊக்கத் தொகை, போக்குவரத்து செலவு என வழங்கினார். தமிழக மக்களின் நம்பிக்கையை வீணாக்காத அளவுக்கு அவர்களும் வெற்றி பெற்றனர்.
குறிப்பாக எனது மகள் காசிமா தனிநபர், இரட்டையர் மற்றும் குழுப் போட்டி என மூன்று பிரிவுகளில் மூன்று தங்கப் பதக்கங்களை வென்று முதலிடம் பிடித்தார்.
போக்குவரத்துச் செலவுகளை அரசாங்கம் கொடுத்து ஊக்கப்படுத்தாமல் இருந்திருந்தால், அவள் அமெரிக்கா செல்வதே சிரமமாக இருந்திருக்கும். எங்கள் குழந்தைகளின் நம்பிக்கையை அரசு காப்பாற்றியுள்ளது.
ஆனால், குகேஷுக்கு பரிசுத் தொகையை அறிவித்தது போல், உலகக் கோப்பையை வென்றதற்கான பரிசுத் தொகையை இவர்களுக்கும் அரசு அறிவித்திருக்க வேண்டும். இன்னும் அறிவிக்கப்படாதது வருத்தமளிக்கிறது.
நான் ஒரு சாதாரண ஆட்டோ டிரைவர். அதுவும் சொந்த ஆட்டோ இல்லை, வாடகை ஆட்டோ ஓட்டுகிறேன். என் வீடு கூட வாடகை வீடுதான்.
காசிமாவுக்கு கேரம் மீது ஆர்வம் என்று தெரிந்த பிறகு, நான் அவளுக்கு கேரம் கற்றுக்கொடுக்க ஆரம்பித்தேன்.
மாநில, தேசிய அளவிலான போட்டிகளில் சொந்த செலவில் பங்கேற்றேன். போக்குவரத்து செலவுகள் அதிகம்.
என் மூத்த மகளின் திருமணத்தால் எனக்கு நிறைய கடன் இருக்கிறது. முன்னதாக, கேரம் உலகக் கோப்பைக்கு காசிமா தேர்வு செய்யப்பட்டபோது, நான் . அவளுடைய விசாவிற்கு ரூ.40,000 செலவழித்தேன்.
விசா பிரச்சனையால் என்னால் அந்த போட்டியில் பங்கேற்க முடியவில்லை. தற்போது எனக்கு வாய்ப்பு கிடைத்துள்ளது, எனது மகள் தனது திறமையை உலகறியச் செய்துள்ளார்.
நான் காசிமா கேரம் கற்றுக் கொடுப்பதைப் பார்த்து, என் மகளுக்கு விளையாட்டு கற்றுத் தர வேண்டாம் என்று பலர் அறிவுறுத்துகிறார்கள். நான் எதுவும் கேட்கவில்லை.
என் மகளின் ஆசைகள்தான் முக்கியம். அதனால்தான் என் சக்திக்கு மீறி கடன் வாங்கி, கேரம் விளையாட்டில் அவளை ஊக்கப்படுத்தினேன். நான் அவளை மேலும் சாதிக்க வைப்பேன்.”
“அரசாங்கம் எங்களுடைய கஷ்டத்தைப் புரிந்து உதவி செய்தால், என் மகள் இன்னும் வெற்றி பெறுவாள்.
எங்களைப் போல் கஷ்டப்படும் குடும்பங்களில் இருந்து விளையாட்டு வீரர்கள் உருவாகுவார்கள்.
இந்த வாரம் காசிமாவை நேரடியாக அழைத்திருக்கிறார்கள். அப்போதுதான் என்ன செய்யப் போகிறார்கள் என்பது தெரியும்.”
இதுபற்றி பயிற்சியாளர் மரிய உதயத் கூறுகையில்”கேரம் போட்டிகளை பொறுத்த வரையில் கேரம் சாம்பியன்ஷிப் தான் மிகப்பெரிய போட்டி.
அதன் பிறகு உலக கோப்பை. தற்போது காசிமா உலக கோப்பையை வென்றுள்ளார். இந்த உலக கோப்பை போட்டி நடக்கிறது.
ஒவ்வொரு இரண்டு வருடங்களுக்கும் உலக சாம்பியன்ஷிப் போட்டி 4 ஆண்டுகளுக்கு ஒருமுறை நடத்தப்படுகிறது.
கடந்த 2022ல் மலேசியாவில் நடந்தது.அடுத்த போட்டி 2026ல் இந்தியாவில் நடக்கும்.1995ல் உலக சாம்பியன்ஷிப் பட்டம் வென்றேன்.அதற்காக எனக்கு 1 ரூபாய் பரிசுத் தொகை கூட வழங்கப்படவில்லை.
உலக சாம்பியன்ஷிப் போட்டியில் விஸ்வநாதன் ஆனந்த் வெற்றி பெற்றதற்காக தமிழக அரசு ரூ.2 கோடி பரிசுத் தொகையை அறிவித்தது. விளையாட்டில் மட்டுமின்றி எதிலும் பாகுபாடு காட்டக்கூடாது.
ஒலிம்பிக்கில் கேரம் கிடையாது. அது மட்டுமின்றி, மத்திய விளையாட்டு அமைச்சகம், 2019ல் இருந்து, கேரம் விளையாட்டை அங்கீகரிக்கவில்லை.அதற்கான முயற்சிகளை எடுத்துள்ளோம்.
விளையாட்டுத்துறை அமைச்சர்தான் எங்களின் போக்குவரத்து செலவுகளை கொடுத்து ஊக்கப்படுத்தினார். உலகக் கோப்பையை வென்ற பிறகு பரிசுத் தொகை எதுவும் அறிவிக்கப்படவில்லை.
ஆனால், இந்த வாரம் நேரில் சந்திக்குமாறு தமிழக அரசிடம் இருந்து எங்களுக்கு அழைப்பு வந்துள்ளது. அப்போதும் ஏதாவது பரிசு அறிவிக்க வாய்ப்பு இருக்கலாம். அப்படி அறிவித்தால் நாங்கள் மிகவும் மகிழ்ச்சி அடைவோம்” என்கிறார்.
