கர்நாடகா மாநிலம் பெலகாவியின் சிகோடி தாலுக்கா உமாராணி கிராமத்தில் வசித்து வருபவர் 40 வயது ஸ்ரீமந்தா இட்னாலி. அவரது மனைவி சாவித்திரி. குடிபழக்கத்திற்கு அடிமையான ஸ்ரீமந்தாவுக்கும் அவரது மனைவிக்கும் கடந்த சில நாட்களாக தகராறு வாக்குவாதம் நீடித்து வந்தது.
டிசம்பர் 8ம் தேதி இருவருக்கும் தீவிர வாக்குவாதம் ஏற்பட்டது. இதனால் ஆத்திரமடைந்த சாவித்திரி மதுபோதையில் இருந்த கணவரின் கழுத்தை நெரித்து கொலை செய்துள்ளார்.
பின்னர் உடலை 2 துண்டுகளாக வெட்டி தனது வீட்டிலிருந்து வெகுதூரத்தில் போட்டுள்ளார். ஸ்ரீமந்தாவின் சடலத்தை போலீசார் டிசம்பர் 10ம் தேதி கண்டெடுத்தனர். இதனையடுத்து இச்சம்பவம் குறித்து வழக்குப்பதிவு செய்து போலீசார் தீவிர விசாரணை நடத்தி வந்தனர்.
போலீசாருக்கு ஸ்ரீமந்தாவின் மனைவி மீது சந்தேகம் ஏற்பட்டது. அவரிடம் நடத்தப்பட்ட விசாரணையில் தான் கொலை செய்ததை ஒப்புக்கொண்டார். இதனை தொடர்ந்து சாவித்திரியை கைது செய்த போலீசார் அவரிடம் விசாரணை நடத்தி வருகின்றனர்.
குடிபோதையில் இருந்த கணவரின் கழுத்தை நெரித்து கொலை செய்து அவரது முகத்தை ஒரு கல்லால் அடித்தும், உடலை 2 துண்டுகளாக வெட்டி தனது வீட்டிலிருந்து வெகுதூரம் இழுத்து சென்றதாக கூறினார்.
இது குறித்து அவர் அளித்த வாக்குமூலத்தின் படி “ கணவரான ஸ்ரீமந்த் இட்னல், மனைவி தன்னுடன் ஒத்துழைக்க மறுத்ததால், தனது மகளை பலாத்காரம் செய்ய முயன்றதாக மனைவி சாவித்திரி இட்னல் கணவரைக் கொன்றதை ஒப்புக்கொண்டார்.
குழந்தைகள் இரவில் தூங்கும் போது பெரிய கல்லால் அவன் தலையை நசுக்கினாள். கைது செய்யப்படலாம் என்ற அச்சத்தால் கணவரது உடலை துண்டு துண்டாக வெட்டி அருகில் உள்ள வயல்களில் உடல் உறுப்புகளை புதைத்துவிட்டார்.
உடல் உறுப்புகளை ஒரு பீப்பாயில் வைத்து பின்னர் அதை அடக்கம் செய்வதற்கு முன்பு வயல்களில் புதைத்து விட்டதாக கூறியுள்ளார்.
வீடு திரும்பிய சாவித்திரி, கத்திகள், கணவன் படுத்திருந்த கட்டில், ரத்தம் தோய்ந்த அவனது உடைகள் அனைத்தையும் ஒரு பையில் அடைத்து கல்லால் கட்டி கிணற்றில் போட்டாள்.
பின்னர் ரத்தக்கறை படிந்த பீப்பாயை சுத்தம் செய்து கிணற்றில் வீசினாள். கணவனை வெட்டிக் கொன்ற ரத்தக்கறை படிந்த இடத்தையும் சுத்தம் செய்து, கணவனின் தலையை நசுக்கப் பயன்படுத்திய கல்லைக் கழுவி, வீட்டில் கொட்டகையில் வைத்திருந்தார்.
வீட்டிற்கு திரும்பி குளித்து, அணிந்திருந்த ஆடைகளை எரித்து சாம்பலை வெளியில் கொட்டினார். பின்னர் கணவரின் செல்போனை சுவிட்ச் ஆஃப் செய்துவிட்டார்.
வீட்டைச் சுத்தம் செய்யும் போது எழுந்த மூத்த மகளை, நடந்த சம்பவம் குறித்து எதையும் வெளியிடக் கூடாது” என சாவித்திரி எச்சரிக்கை விடுத்ததையும் ஒப்புக் கொண்டார்.
