கர்நாடக மாநிலம் ராமநகரா மாவட்டம் அரோஹல்லி காவல் நிலைய எல்லைக்கு உட்பட்ட பகுதியில் பெங்களூரு-கனகபுரா சாலையில் தனியார் மருத்துவமனை ஒன்று இயங்கி வருகிறது.
கடந்த நவம்பர் 27ம் தேதி தனியார் மருத்துவமனையில் உள்ள கழிவறையில் தண்ணீர் தேங்கியது. அதை சுத்தம் செய்த துப்புரவு பணியாளர், கழிவறை தொட்டியில் பிறந்த ஆண் குழந்தை பிணமாக கிடப்பதை பார்த்தார்.
கழிவறை தொட்டியில் குழந்தையின் உடல் சிக்கியிருந்தது தெரியவந்தது. மேலும் கல் நெஞ்சம் கொண்ட தாய் பிறந்த குழந்தையின் உடலை கழிவறைக்குள் வீசியதும் தெரியவந்தது.
இதுகுறித்து ஆரோஹள்ளி போலீசாருக்கு தகவல் தெரிவிக்கப்பட்டது. அவர்கள் வழக்குப் பதிவு செய்து தீவிர விசாரணை நடத்தினர்.
இந்நிலையில், குழந்தையை கழிவறைக்குள் வீசி கொன்றதாக நேபாளத்தை சேர்ந்த இளம் தம்பதியை போலீசார் கைது செய்தனர். போலீசார் நடத்திய விசாரணையில் திடுக்கிடும் தகவல்கள் வெளியாகியுள்ளன.
22 வயதான நேபாளத்தைச் சேர்ந்த சுரேந்திர மெக்ரா, ராமநகராவில் உள்ள தொழிற்சாலையில் பணிபுரிந்து வருகிறார். அங்கேயே தங்கி வந்துள்ளார். நேபாளத்தை சேர்ந்த அம்ருதா குமாரி (21) என்பவரை சுரேந்திரா காதலித்து வந்துள்ளார்.
இவர் கடந்த 9 மாதங்களுக்கு முன்பு தனது காதலியை நேபாளத்தில் இருந்து பெங்களூருக்கு அழைத்து வந்துள்ளார். இருவரும் திருமணம் செய்து கொள்ளாமல் ஒன்றாக வாழ்ந்து வந்துள்ளனர். இதனால் அம்ருதா குமாரி கர்ப்பமானார்.
இருவருக்குமே முதலில் அது தெரியாது. கடந்த மாதம் அம்ருதா குமாரி வயிற்று வலியால் அவதிப்பட்டு வந்தார். சிகிச்சைக்காக மருத்துவமனைக்கு சென்றபோதுதான் அவர் 8 மாத கர்ப்பிணி என்பது தெரியவந்தது.
அம்ருதா குமாரியையும், நரேந்திரனையும் உயர்தர மருத்துவமனைக்குச் சென்று சிகிச்சை அளிக்கும்படி மருத்துவர்கள் அறிவுறுத்தியுள்ளனர்.
அதன்படி, நவ., 24ல், பெங்களூரு – கனகபுரா சாலையில் உள்ள தனியார் மருத்துவமனைக்கு சென்றனர். அங்கு அம்ருதா குமாரிக்கு பிரசவ வலி ஏற்பட்டது. கழிவறைக்கு சென்ற அம்ருதா குமாரிக்கு அங்கு ஆண் குழந்தை பிறந்தது.
குழந்தை உயிருடன் இருக்கிறதா, இறந்துவிட்டதா என்பதைக் கூட கவனிக்காமல், உடனடியாக குழந்தையை டாய்லெட் கிண்ணத்தில் போட்டு தண்ணீர் ஊற்றியுள்ளனர்.
அப்போது, அங்கிருந்த ரத்தத்தை தண்ணீரில் கழுவிவிட்டு, சுரேந்திராவும், அம்ருதாகுமாரும் மருத்துவமனையில் இருந்து தப்பி ஓடிவிட்டனர்.
இரண்டு நாட்களுக்குப் பிறகு, கழிவறை அடைக்கப்பட்டு, துப்புரவு பணியாளர்கள் சுத்தம் செய்து கொண்டிருந்தபோது, குழந்தையின் உடல் உள்ளே சிக்கியிருப்பதைக் கண்டனர்.
இதையடுத்து மருத்துவமனையில் உள்ள கண்காணிப்பு கேமராக்களை குறிப்பிட்ட நாட்களில் வந்தவர்கள் யார் என ஆய்வு செய்தபோது சுரேந்திரனும், அம்ருதகுமாரியும் சந்தேகப்படும்படியாக வந்தது தெரியவந்தது.
கர்ப்பமாக இருந்த பெண் வயிற்றில் குழந்தை இல்லாமல் திரும்பியது தெரியவந்தது. அதன்படி, போலீசார் 2 பேரையும் பிடித்து விசாரித்து, பின்னர் உண்மையை கண்டுபிடித்து கைது செய்தனர்.
சுரேந்திராவும், அம்ருதா குமாரியும் பெற்றோருக்குத் தெரியாமல் நேபாளத்தில் இருந்து பெங்களூருவுக்கு தப்பிச் சென்றதும் தெரியவந்தது. விசாரணைக்கு பின் இருவரும் கோர்ட்டில் ஆஜர்படுத்தப்பட்டு சிறையில் அடைக்கப்பட்டனர்.
