தோஹாவில் இருந்து கொச்சி நோக்கி வந்து கொண்டிருந்த விமானத்தில் நடுவானில் தாயுடன் பயணித்துக் கொண்டிருந்த 11 மாத கைக் குழந்தைக்கு திடீர் உடல்நலக் குறைபாடு ஏற்பாட்டு பரிதாபமாக உயிரிழந்தது.
கத்தார் தலைநகர் தோஹாவில் இருந்து கொச்சி நோக்கி புறப்பட்ட கல்ஃப் ஏர் விமானம் நடுவானில் வந்துக் கொண்டிருந்த போது விமானத்தில் தாயுடன் பயணித்துக் கொண்டிருந்த ஃபெசின் அகமது என்ற 11 மாதக் குழந்தைக்கு திடீர் உடல்நலக் குறைபாடு ஏற்பட்டுள்ளது.
உடண்டியாக இது குறித்து கொச்சி விமான நிலையத்துக்கு தகவல் தெரிவிக்கப்பட்ட நிலையில், விமானம் தரையிறங்கியவுடன் ஆம்புலன்ஸ் மூலம் தனியார் மருத்துவமனைக்கு அழைத்துச் செல்லப்பட்டது.
ஆனால் மருத்துவமனையில் குழந்தையை பரிசோதித்த மருத்துவர்கள், குழந்தை ஏற்கனவே உயிரிழந்து விட்டதாக அறிவித்துள்ளனர். இது குறித்து அங்கமாலி காவல்துறையினர் வழக்குப்பதிவு செய்து மேற்கொண்டு விசாரணை நடத்தி வருகின்றனர்.
விமானத்தில் திடீரென குழந்தை உயிரிழந்ததால், பிரேத பரிசோதனைக்காக காவல்துறையினர் குழந்தையின் உடலை அரசு மருத்துவமனைக்கு அனுப்பி வைத்துள்ளனர்.
