சேலம் மாவட்டம் ஓமலூர் அருகே உள்ள கமலாபுரத்தைச் சேர்ந்தவர் மணிகண்டன். பெட்ரோல் பங்கில் வேலை செய்கிறார். கருத்தனூர், பொட்டியபுரத்தில் உள்ள தனியார் மருத்துவமனையில் செவிலியராக பணிபுரிந்து வருபவர் துர்காதேவி.
இருவரும் கமலாபுரம் அரசுப் பள்ளியில் படிக்கும் காலத்திலிருந்தே காதலித்து வருகின்றனர்.இந்த நிலையில், இருவரும் வெவ்வேறு சமூகத்தைச் சேர்ந்தவர்கள் என்பதால், அவர்களது வீட்டில் எதிர்ப்பு எழுந்துள்ளது.
இதையடுத்து, இருவரும் வீட்டை விட்டு வெளியேறி, திருமணம் செய்து கொண்டு, பாதுகாப்பு கோரி ஓமலூர் காவல் நிலையத்தில் தஞ்சம் புகுந்தனர்.
இதைத் தொடர்ந்து, இரு தரப்பினரும் சாதி மறுப்புத் திருமணத்தை எதிர்த்ததால், போலீசார் தம்பதியரின் பெற்றோரை அழைத்து சமரசம் செய்தனர். அப்போது, இரு தரப்பினரும் சாதி மறுப்புத் திருமணத்தை எதிர்த்ததால் பரபரப்பு ஏற்பட்டது.
இதைத் தொடர்ந்து, போலீசார் நடத்திய பேச்சுவார்த்தையில் சமாதானம் ஏற்பட்டு, பெற்றோருடன் புதுமண தம்பதியினரை அனுப்பி வைத்தனர். இரு தரப்பினரின் உறவினர்களும் காவல் நிலையத்தில் கூடியதால், சிறிது நேரம் அந்தப் பகுதி பதட்டமாக இருந்தது.
