தெலுங்கானா மாநிலத்தில் ஹைதராபாத்தில் ஜனவரி 18ம் தேதி புட்டவெங்கடா மாதவி என்ற 35 வயது பெண் மாயமானதாக அந்த பெண்ணின் பெற்றோர் காவல் நிலையத்தில் புகார் கொடுத்தனர்.
இது குறித்து காவல்துறையினர் வழக்கு பதிவு செய்து அவருடைய கணவரான ஓய்வு பெற்ற ராணுவ வீரர் குருமூர்த்தியிடம் தீவிர விசாரணை நடத்தினர்.
அப்போது கணவன் மனைவிக்கு இடையே ஏற்பட்ட தகராறு காரணமாக தன்னுடைய மனைவியை கொலை செய்ததை ஒப்புக்கொண்டார்.
இவர் தன்னுடைய மனைவியை கொலை செய்த பின்னர் வீட்டின் குளியலறையில் வைத்து உடலை துண்டு துண்டாக வெட்டி பின்னர் சில உடல் பாகங்களை குக்கரில் வைத்து சமைத்ததாக அதிர்ச்சி தரும் வாக்குமூலம் அளித்துள்ளார்.
மேலும் எலும்புகளை வெட்டி எடுத்து அரைத்து அவற்றை வேக வைத்துள்ளார். தொடர்ந்து 3 முதல் 4 நாட்களாக சதை மற்றும் எலும்புகளை வேகவைத்து பின்னர் ஏரிக்கரையோரம் சென்று அவற்றை வீசிவிட்டதாக கூறியுள்ளார்.
இவர்களுக்கு கடந்த 13 வருடங்களுக்கு முன்பாக திருமணம் நடந்த நிலையில் 2 குழந்தைகள் உள்ளனர்.
குழந்தைகள் இருவரும் வெளியே சென்ற நிலையில் தன்னுடைய மனைவியை அவர் கொலை செய்ததாக ஒப்புக் கொண்டார். இதன் அடிப்படையில் போலீசார் குருமூர்த்தியை கைது செய்து விசாரணை மேற்கொண்டு வருகிறார்கள்.
