திருப்பத்தூர் மாவட்டம் ஆம்பூர் நகராட்சி பிலால் நகர் பகுதியைச் சேர்ந்தவர் ஃபரூக். அவருக்கு மன்சூரா பர்வீன் என்பவரை மணந்து 4 குழந்தைகள் உள்ளனர்.
இந்நிலையில், மன்சூரா பர்வீன் தனக்குத் தெரிந்த உறவினர்கள் மற்றும் அண்டை வீட்டாரின் பெயரில் சுயஉதவிக்குழுக்கள் மற்றும் பல்வேறு வங்கிகளில் சுமார் 15 லட்சம் ரூபாய் கடன் வாங்கியுள்ளார்.
இதைத் தொடர்ந்து, மன்சூரா பர்வீன் சில மாதங்களுக்கு முன்பு தனது தாய் மற்றும் தந்தையுடன் தலைமறைவாகிவிட்டார்.
இதைத் தொடர்ந்து, கடன் கொடுத்த தனியார் வங்கி ஊழியர்கள் மற்றும் அண்டை வீட்டார் கணவரை துன்புறுத்தி, கடனை திருப்பிக் கொடுக்கக் கோரினர். இதனால், மிகுந்த மன உளைச்சலுக்கு ஆளான ஃபரூக், விஷம் குடித்து தற்கொலைக்கு முயன்றார்.
அவரது குடும்பத்தினர் உடனடியாக அவரை மீட்டு ஆம்பூர் அரசு மருத்துவமனையில் சிகிச்சைக்காக அனுமதித்தனர். அங்கு தீவிர சிகிச்சை பெற்று வரும் நிலையில், ஆம்பூர் நகர போலீசார் சம்பவம் குறித்து விசாரணை நடத்தி வருகின்றனர். இந்த சம்பவம் ஆம்பூரில் பெரும் பரபரப்பை ஏற்படுத்தியுள்ளது.
