50 வயதுக்கு மேல் சாதனை படைத்த 50 பெண்களின் போர்ப்ஸ் பட்டியலில் 3 இந்திய பெண்கள் இடம்பிடித்துள்ளனர்.
அமெரிக்காவை சேர்ந்த பிரபல வணிக இதழான போர்ப்ஸ், தொழில்நுட்பம், தகவல் தொடர்பு, அறிவியல், அரசியல், சட்டம் உள்ளிட்ட பல்வேறு துறைகளில் சாதனை படைத்தவர்களின் பட்டியலை வெளியிட்டு வருகிறது.
அந்தவகையில் 50 வயதுக்கு மேல் சாதனை படைத்த 50 பெண்களின் பட்டியலை வெளியிட்டுள்ளது. இந்த பட்டியலில் இந்தியாவைச் சேர்ந்த ஊர்மிளா, கிரண் மஜும்தார் ஷா, ஷீலா படேல் ஆகிய 3 பெண்கள் இடம்பிடித்துள்ளனர்.
இந்திய மாநிலமான குஜராத்தைச் சேர்ந்தவர் ஊர்மிளா. இவர், மகாராஷ்டிர தலைநகர் மும்பையில் வசித்து வருகிறார். 80 வயதான இவர், பல சமையல் போட்டிகளில் கலந்து கொண்டு விருதுகள் பெற்று வருகிறார்.
அதேபோல, கர்நாடகா மாநிலம் பெங்களூருவை தலைமையிடமாக கொண்டு செயல்படும் பயோகான் நிறுவனத்தின் தலைவராக கிரண் மஜும்தார் ஷா உள்ளார். 71 வயதாகும் இவர், இந்தியாவின் சிறந்த தொழில்முனைவோராக செயல்படுகிறார்.
மகாராஷ்டிர தலைநகர் மும்பையை சேர்ந்தவர் ஷீலா படேல் (72). சமூக ஆர்வலரான இவர் கடந்த 1984-ம் ஆண்டில் தன்னார்வ தொண்டு அமைப்பை தொடங்கி அதன் மூலம் மக்களுக்கு உதவிகளை செய்து வருகிறார்.
இவரின் சார்பில் ஏழைகளுக்கு இதுவரை 11 அடுக்குமாடி குடியிருப்புகள் உருவாக்கப்பட்டு உள்ளன.
