வினோத் குமார்…
பேஸ்புக்கில் உருகி உருகி காதலித்த பெண்ணை தேடிச்சென்ற வாலிபருக்கு அதிர்ச்சி வைத்தியம் அளித்துள்ளார் அவருடைய காதலி.
கடலூர் மாவட்டம், பண்ருட்டியைச் சேர்ந்தவர் வினோத் குமார். 28 வயதாகும் வினோத் குமார் வெப் டிசைனாரகப் பணிபுரிந்து வருகிறார். இவருக்குத் திருமணமாகி குழந்தை ஒன்று இருக்கிறது.
இந்த நிலையில், திருச்சியைச் சேர்ந்த நிஷா என்ற பெண் வினோத்குமாருக்கு நட்பு வேண்டுகோள் விடுத்தார். இருவரும் நண்பர்களான பின்னர் தொலைபேசி எண்ணை பகிர்ந்து கொண்டு மணிக்கணக்கில் பேசி வந்துள்ளனர்.
இந்நிலையில் நேரில் பார்க்க வேண்டுமெனகூறி திருச்சிக்கு வருமாறு அழைத்துள்ளார் நிஷா. கடந்த 5 – ம் தேதி திருச்சிக்கு வந்த வினோத்குமாரை காஜாமலையில் உள்ள பள்ளிக்கு அருகே வருமாறு நிஷா கூறியிருக்கிறார்.
அங்கு நிஷாவிடம் வினோத்குமார் பேசிக் கொண்டிருந்த போது, 6 பேர் கொண்ட கும்பலொன்று வினோத்திடம் இருந்து,
பர்ஸ், போன், ஏடிஎம் கார்டு, பைக் என அனைத்தையும் பிடுங்கியதுடன் அவரை மிரட்டியுள்ளனர்.
இருப்பினும் தைரியத்தை வரவழைத்துக் கொண்டு திருச்சி கேகே நகர் பொலிஸ் நிலையத்தில் புகாரளித்தார் வினோத். இதனடிப்படையில் அந்த கும்பலை பொலிசார் கைது செய்தனர்.
